德國對債仔唔留手

3戰全勝拿下死亡之組, 慢條斯理,未見真章;來到8強,又有幸遇着 ,奪標大熱鬥大冷,對住債仔,望德國唔留手,為波友儲到*本迎接 瘋狂周末。

  希臘國人投票,肯低低地躀一鋪,聽一眾包括德國嘅歐洲有錢佬講,選擇留喺歐元區,勒緊褲頭;政局暫穩,世界股市暫時拆彈,但今場冇咗中場發電機兼精神領袖 ,希臘足球隊真係冇覺好瞓。

  8年前另一隊長薩高拿基斯係國家神奇捧盃嘅大功臣,但今場佢哋一定想學上次偷俄軍雞咁,全部突擊將球傳到中鋒 腳下,再由後者喺中圈附近回傳隊友走位打快速突擊;我諗今次接應者,相信冇一個有加拉高斯尼斯嘅能耐;亦唔信森馬拉斯背靠背,可以喺德國鐵衞招呼下,停到個波策動反攻。

  今場賠率一面倒,連喺擂台前列兼屢中第一隊入球嘅德國躉嘅青蛙仔,都話唔吼呢瓣彩池,小弟當然會將部份注碼攻希臘零入球波膽。德國有餘未盡,幾場波贏來有驚無險,對葡丹未領先前,對方都有球員中柱或中楣;鬥 , 醒啲可以喺開波早段入兩粒。只希望德國今場打醒精神,唔好學 咁,自亂陣腳;兩軍質素實在差太遠,上半場入唔到波都咪急,希臘班老兵頂唔到全場?,德國勝2:0、3:0仍有望開到。

  嚟緊兩場半準決賽戲碼極強,不過都希望今晚場攻防戰,唔好悶到揸機大佬將鏡頭頻頻影住德國教頭路維有冇食鼻屎,咁嘔心好喎!

  今日心水

  熱:德國(上)

  冷:德國勝2:0、3:0